النحلة والدبور بكور فى قنا

بقلم /عيسى سدود النحلة ضربت كف على كف لما عرفت حكاية اخونا دبور صحفى رئيس مجلس الادارة ورئيس التحرير لجورنال ملاكى(الاسبوع ) الماضى النحلة كانت فى رحلة لمدينة قنا وعرفت من ناس شغلين فى صوت المحافظه انهم زعلنين جدا من محمود شقيق رئيس التحرير فى الجريدة الملاكى التانية اللى فى المحافظة قال ايه مئجر جريدته لناس من دشنا واخدين ملحق لنشر اخبار دشنا وصدر من 10 صفحات باسم جريدة اخبار دشنا ورغم انى الكلام ده غلط الا انى احمد المدير العام وافق على تاجير الجورنال لزميل له ومراسل للبديل من قرية ابو مناع وشهرته الديرى النحلة اندهشت وشدة فى شعرها لما عرفت الديرى متاجر العدد بالفين وخمسمية جنيه وطبع عدد وباعه فى دشنا رغم انى ده مخالف للقانون وبتعاقب عليه المادة رقم200 من قانون الصحافة رقم 147 لسنة 2006 اللى بتعاقب كل من اصدرصحف بالمخالفة للاحكام المقررة قانونا بالحبس مدة لاتقل عن ستة اشهر وبغرامة لاتقل عن عشرة الاف جنيه ولاتجاوز ثلاثين الف جنيه او باحدى هاتين العقوبتين فضلا عن الحكم بمصادرة مايصدر عن اعداد النحلة اتجننت وقطعت فى شعرها لما المخالفة دى تم تنفيذها فى دشنا وتم طبع اكثر من الفين عدد وسط نوم امن النظام فى العسل والنحلة بتقصد اخوانا الاعداء بتوع امن الدولة اللى نايمين فى دشنا ومش حاسين باللى بيجرى المهم النحلة عرفت انى اخونا الصحفى الكبيير اوى ( الاسبوع) الماضى كان فى قنا وتحول بقدرة قادر وسبحان العاطى الوهاب اللى بيدى دولارات وكمان يوروهات من غير جساب الى حامل صكوك الغفران ده محترم وده مش محترم ده مرتشى ده عميل ده مش وطنى ده حيدخل النار وده حيدخل الجنة سالوا سيدنا العارف بالله الشيخ بكرى قالوا يابكور ايه رتايك فى عباد الله قال دى حاجة بسيطة جدا جدا اللى ميئبضنيش اقول انه عميل ومن المرتزقه واللى يئبضنى اقول انه وطنى وبيحب المحروسه ايوووووووه يا شيخ بكور مدد يا صاحب المدد والنحلة قالت له طاب واللى يرفض يئبضك تقول عليه ايه قال اقول عليه عميل وكمان من هواة التطبيع مع اسرائيل وطبعا انا كلمتى فى البلد دى مسموعة بعد ما ركبت طيارة البوس وممكن اسحب الجنسية المصرية من كل اللى يزعلنى والنحلة قالت لبكورى ياريت تتلملم شويه يا بتاع الاسبوع واللى بيته من ازاز ميحدفش الناس بالطوب